Papa: shoqëria që refuzon të sëmurët është e pashpirt e çnjerëzore.
“Një shoqëri që nuk arrin ti pranon njerëzit që vuajnë dhe nuk është e aftë të kontribuoi
përmes mirëkuptimin e përdëllimit për të bërë që vuajtja të bashkëndahet e të bartet
edhe në brendësi është një shoqëri mizore dhe çnjerëzore”. Papa Benedikti XVI duke
cituar enciklikën ‘Spe salvi’ ripohoi këtë qortim në mesazhin e tij për Ditën e ardhshme
botërore të Sëmurit që bie më 11 shkurt 2011. Teksti i mesazhit papnor kushtuar kësaj
dite botërore u shpall sot në Vatikan. “Nëse çdo njeri është vëllai ynë, aq më
tepër ai që është i ligshtë e i pafuqishëm, ai që vuan e është nevojtar për ilaçe
e mbështetje duhet të jetë në qendër të vëmendjes sonë, në mënyrë që asnjë prej tyre
të mos ndjehet i harruar apo i mënjanuar”, shkruan Papa në mesazhin e tij për Ditën
e të Sëmurit. Vërtet, vijon citimi i ‘Spe salvi’, “vlera e njerëzimit matet e përcaktohet
thellësisht në raport me vuajtjen e me atë që vuan. Kjo vlen për individin si dhe
për shoqërinë”. Në mesazh, Ati i Shenjtë na fton të reflektojmë mbi temën “Prej
plagëve të tij jeni shëruar”, duke kujtuar se “pikërisht përmes plagëve të Krishtit
që ne mund ti shohim, me sytë e shpresës, të gjitha të këqijat që e mundojnë njerëzimit’.
Duke u Ngjallur – shkruan Papa Racinger -, Zotëria Jezus nuk e ka shuar vuajtjen dhe
të keqën nga bota, por i ka fituar e mposhtur në rrënjë. Prepotencës të të Keqit i
ka kundërvu gjithëpushtetësinë e Dashurisë së vet”. Pastaj duke përmendur vizitën
e tij papnore në Torino, majin e kaluar e ndalesën para Sindonit të Shenjtë, e në
të njëjtën kohë duke shikuar drejt Ditës së ardhshme Botërore të Rinisë në gusht 20111,
Papa pohon se “shpesh Mundimet, Kryqit i Jezusit na frikojnë, sepse na duken si mohim
i jetës. Në realitet e vërteta, është pikërisht e kundërt! Kryqi – shpjegoi – është
po-ja e Zotit thënë njeriut, shprehja më e lartë e më e fortë e dashurisë së tij e
gurrë prej nga buron jeta e amshuar “. Të rinjve Papa u porosit ta “njohin” e ti “shërbejnë”
Jezusit “edhe në të varfër, në të sëmurë, në vëllezër e motra që vuajnë e që janë
në vështirësi, që kanë nevojë për ndihmën tuaj”. Së fundit një “përshëndetje të
përzemërt drejtuar ipeshkvijve, meshtarëve, njerëzve të shuguruar, seminaristëve,
punonjësve të shëndetësisë, vullnetarëve e të gjithë atyre që i kushtohen e përkushtohen
me dashuri duke shëruar e lehtësuar vuajtjet çdo vëllai e motre të sëmurë, nëpër spitale
apo klinika, në familje e kudo që ndodhën”. “Në fytyrat e të sëmurëve – pohon Papa
– dini të vështroni gjithmonë fytyrën e fytyrave: atë të Krishtit”.