2010-12-16 14:02:32

Միացեալ Արաբական Էմիրութիւններու Մէջ, 7-րդ Դարու Մենաստանի Մը Բացումը ։


Միացեալ Արաբական Էմիրութիւններու մէջ, հանրութեան բացուած է միակ քրիստոնեայ մենաստանը։ Մենաստանին աւերակները յայտնաբերուած են 1992-ին Ապու-Տապիի Սիր Բանի Եաս կղզիին մէջ։ Մենաստանը կը պատկանէր նեստորական եկեղեցւոյ, որուն շինութիւնը, մասնագէտներու գնահատումով, եղած է 600 թուականին ։
Քրիստոնէական այս ՜՜աւերակը՝՝ միակն է որ մինչեւ այսօր յայտնաբերուած է Միացեալ Արաբական Էմիրութիւններու մէջ։ Այդ շրջանի բնակիչները մահմետական դարձան 7-րդ դարուն։
Քսան տարիէն ասդին, ոչ մէկը կը խորհէր որ քրիստոնեաները կրնային հասած ըլլալ Արաբական Ծոցի այս հեռաւոր վայրը։
Ի դէպ Սիր Բանի Եաս կղզին ունի 82 քիլոմեթր տարածութիւն, եւ բնակուած էր աւելի քան 7.500 տարի առաջ, յատկապէս ձկնորսներու եւ մարգարիտներ գտնողներու կողմէ։










All the contents on this site are copyrighted ©.