Paqja, dhuratë e Zotit për njeriun: mesazhi i Benediktit XVI për Ditën Botërore të
Paqes.
(15.12.2010 RV)Nesër, në Sallën vatikanase të Shtypit, do të paraqitet Mesazhi
i Benediktit XVI për Ditën e 44-t Botërore të Paqes, me temë: “Liria fetare,
rrugë për paqen” . Ndërmjet të tjerëve, do të flasë edhe kardinali
Peter Kodwo Appiah Turkson, kryetar i Këshillit Papnor të Drejtësisë e Paqes. Po
kujtojmë titujt e mesazheve të mëparshme. “Pa të vërtetë, s’ka paqe”
– titullohej mesazhi i parë i Benediktit XVI për paqen, ai i vitit 2006. “Njeriu
është zemra e paqes”- kujtonte Benedikti XVI më 2007. “Familja njerëzore,
bashkësi e paqes”, ishte tema e mesazhit 2008. Më 2009 Papa bënte
thirrjen: “Luftë kundër varfërisë, për të siguruar paqen”. E
sivjet, në sa bota tronditet thellë nga sulmet e besimtarëve kundër besimtarëve dhe
nga mungesa e lirisë së lirive, asaj fetare, Papa i tregon njerëzimit rrugën për të
gjetur paqen, duke e titulluar mesazhin: “Liria fetare, rrugë për paqen” .