2010-12-10 13:19:55

Սրբազան Քահանայապետի Գործունէութիւնը


Ուրբաթ 10 Դեկտեմբեր 2010-ի՝ առաւօտեան ժամը 9-ին նորին սրբութիւնը մասնակցեցաւ Յիսուսի Ս. Ծննդեան պատրաստութեան սահմանուած ծիսական ժամանակաշրջանի՝ Յիսնակացի խորհրդածութեան զոր քարոզեց ֆրանչիսկեան հայր Ռանիերօ Գանդալամեսսան։
Ժամը 11-ին Նորին Սրբութիւնը ունկնդրութիւն շնորհեց Լիթուանիոյ Նախագահ Տիկին Տալիա Կրիպաուսգայթէին ու անոր ընկերացող շքախումբին։ Ժամը 11.30-ին ընդունեց Կարտինալ Անճէլօ Ամաթոն նախագահը՝ Սուրբերու Դատի Քահանայապետական խորհուրդին ։ Ապա Սրբազան Քահանայապետը ունկնդրութիւն շնորհեց Սպանիոյ Ուրճէլի արքեպիսկոպոս՝ Գերապայծառ Խուան Էնրիք Վիվէս Սիսիլիայի` ու անոր ընկերացող շքախումբին, որմէ ետք ալ ընդունեց Սուրբ Աթոռի մօտ Իտալիոյ դեսպան Տիար Անթոնիօ Զանարտի Լանտին ու անոր կողակիցը, որ եկած կատարելու իր հրաժեշտի այցելութիւնը ։ Ժամը 12.30-ին՝ նորին սրբութիւնը ունկնդրութիւն շնորհեց Տիար Րոնալտ Լաուտէրի՝ Հրէական Համաշխարհային Վեհաժողովի նախագահին, իսկ յետ միջօրէին ինչպէս ամէն շաբաթ Պենետիկտոս ԺԶ Քահանայապետը ընդունեց Կարտինալ Վիլիամ Ժոզէֆ Լէվատան Քահանայապետական Հաւատոյ Ժողովի նախագահը։








All the contents on this site are copyrighted ©.