Хрысціяне іракскай
правінцыі Басора не будуць святкаваць сёлета Божага Нараджэння. Такім чынам хрысціянская
супольнасць правінцыі, што ляжыць на поўдні ад Багдаду, хоча выказаць пратэст супраць
гвалтоўных актаў з боку ісламскіх тэрарыстаў, якія адбываюцца пастаянна супраць рэлігійных
меншасцяў у гэтым і іншых рэгіёнах Іраку.
Як заявіў на адным з інфармацыйных
інтэрнэт-рэсурсаў прэзідэнт Камісіі рэлігійных меньшасцяў Басоры спадар Саад Пэтрус,
“такое рашэнне прынята для пратэсту супраць гвалту ў краіне, які кожны дзень церпяць
нашыя браты”.
Ужо летасць хрысціяне гораду, большасць жыхароў якога складаюць
шыіты, вельмі сціпла адсвяткавалі Божае Нараджэнне. А сёлета святары і законнікі лакальнага
Касцёлу нават раяць сваім вернікам не запальваць ілюмінацыю ці публічна святкаваць,
каб не выклікаць дадатковых атакаў з боку тэрарыстаў.