Папа Бэнэдыкт XVI
прыняў сёння на спецыяльнай аўдыенцыі Прэзідэнта Літоўскай Рэспублікі спадарыню Далю
Грыбаўскайтэ.
Пасля сустрэчы з пантыфікам літоўскі прэзідэнт сустрэлася з
кардыналам Дзяржсактратаром Тарчызіо Бэртонэ, якога суправаджаў арцыбіскуп Дамінік
Мамберці, Сакратар па адносінах з дзяржавамі.
У час размоваў, якія прайшлі
ў сардэчнай абстаноўцы, была адзначана станоўчая прысутнасць каталіцкага Касцёла ў
гісторыі і жыцці краіны і выказана агульнае імкненне далей ўмацоўваць добрыя двухбаковыя
адносіны.
Акрамя таго, адбыўся плённы абмен думкамі аб ролі Літвы, якая рыхтуецца
ўзяць на сябе старшынства ў АБСЕ, а таксама аб эканамічнай і сацыяльнай сітуацыі з
асаблівай ўвагай да праблем сям'і і моладзі.