I dorëzohet Çmimi Nobel për Paqe disidentit kinez, Liu Xiaobo
Sot në Oslo u mbajt ceremonia e dorëzimit të Çmimit Nobel për Paqe, por fituesi i
saj, disidenti kinez, Liu Xiaobo, nuk qe i pranishëm, pasi gjenden në burg në Kinë.
Gjithësesi, Çmimi Nobel për Paqe iu dha sot zyrtarisht disidentit të burgosur kinez,
Liu Xiaobo . Kujtojmë Liu Xiaobo, 54-vjeçar, është arrestuar në Kinë në dhjetor 2008
dhe para një viti e eshte dënuar me njëmbëdhjetë vjet burg për dëmtim të pushtetit
shtetëror, pas thirrjeve të tij për reforma politike. Në ceremoninë e sotme, ai
u prezantua nga një karrige bosh e një fotografi. Kina e dënon dhënien e Çmimit Nobel
për Paqe Xiaobos e vendosi në arrest shtëpiak edhe gruan e disidentit për ta penguar
që të merrte pjesë në ceremoninë e sotme. Komiteti i Nobelit deklaroi se dhënia e
Çmimit Nobel për Paqe Liut është bazuar mbi “vlerat universale”. Presidenti Obama,
fituesi i çmimit vitin e kaluar, tha se është për të ardhur keq që Liu nuk ishte në
ceremoni dhe i bëri thirrje Kinës për lirimin e menjëhershëm të tij. Kina e 18 vende
të tjera të botës, në mesin e të cilave Rusia e Serbia, nuk kanë pranuar të marrin
pjesë në ceremoninë e sotme në Oslo.