Місія Апостальскай Сталіцы пры ААН прадставіць кнігу “Гітлер, вайна і Папа”
У гэтую суботу, 11
снежня будзе прадстаўлена перавыданне кнігі прафесара Рональда Рыхлака, што выйшла
ў 2000 годзе. Прэзентацыя адбудзецца ў Нью-Ёрку.
У кнізе “Гітлер, вайна і
Папа” апісана дзейнасць сеткі дэзінфармацыі КДБ і план, названы «Seat 12», які быў
нацэлены на ачарненне Папы Пія XII і на стварэнне процьмы паміж каталіцкім і яўрэйскім
светам. Аўтары сцвярджалі, што план быў распрацаваны па замове Мікіты Хрушчова.
Найноўшыя
гістарычныя даследаванні пацвярджаюць пазіцыю Бэнэдыкта XVI, адлюстраваную ў яго апошняй
кнізе-інтэрв'ю, адносна Пія XII і яго дапамогі церпячым пераслед людзям, у тым ліку
яўрэям.
Размаўляючы з журналістам Пэтэрам Сівалдам, Святы Айцец распавёў,
што ён даручыў правесці ў рамках працэсу беатыфікацыі Папы Эўджэніё Пачэлі адмысловае
расследаванне. Папа патлумачыў, што неабходна пераадолець ідэалагічныя інтэрпрэтацыі
дзейнасці Пія XII падчас Другой сусветнай вайны: «Важна тое, што ён зрабіў і спрабаваў
зрабіць, - сцвярджае Бэнэдыкт XVI - думаю, неабходна прызнаць, што ён быў адным з
вялікіх праведнікаў і што выратаваў шматлікіх яўрэяў.
Сёлета 10 кастрычніка
Папа прыняў на аўдыенцыі заснавальніка фонду «Pave the Way» Гэры Крупа, яўрэя, які
паднёс перавыдадзеную кнігу і вынікі новых даследаванняў, якія пацвярджаюць словы
Бэнэдыкта XVI.