Në Shkodër situata vazhdon të jetë e rëndë. Kosova ndihmë popullsisë së goditur nga
përmbytjet
Situata në Shkodër e rrethinë vazhdon të jetë kritike. Reshjetzgjerojnë
sipërfaqen nën ujë e cila ishte tkurrur prej ditësh në zonën e Shkodrës. Vazhdojnë
evakuimet. Kryetari i bashkisë së Shkodrës Lorenc Luka, bën apel, “Situata është katastrofike,
shqiptarë, ndihmoni Shkodrën! Ndërkaq organizata të ndryshme e institucione shtetërore
vazhdojnë të shpërndajnë ndihma në zonat e përmbytura. Presidenti i Shqipërisë viziton
bazën operacionale të Gjadrit. Aksi kombëtar, Shkodër-Tiranë, mbulohet sërish nga
uji. Përmbytjet në Shkodër sollën edhe mbylljen e punimeve të Parlamentit të Shqipërisë.
Situata tejet kritike dhe e rënduar nga përmbytjet në Shkodër kanë bërë që kryesia
e Kuvendit të marrë vendimin për mos zhvillimin e seancës së sotme parlamentare. Një
propozim i tillë u bë edhe nga vetë kryeministri Sali Berisha në mbledhjen e grupit
PD, të hënën. “Unë e kuptoj se veprimtaria e Parlamentit është themelore, por nga
ana tjetër ju jeni të pazëvendësueshme për zgjedhësit dhe qytetarët shqiptarë, prania
e deputeti është e pazëvendësueshme, ndaj mendoj se edhe parlamenti mund ta shqyrtojë
seancën parlamentare të kësaj jave, mbasi ka shumë nevojë të jemi në krye të një fronti
jashtëzakonisht kritik dhe delikat”, u shpreh kryeministri Berisha. Edhe Kosova
solidarizohet me banorët e zonave të përmbytura e për të ndihmuar njerëzit nè vështirësi,
qeveria e Prishtinës ka caktuar 1 milion euro ndihmë dhe u ka bërë thirrje qytetarëve
të kontribuojnë për të ndihmuar popullsinë e zonave të dëmtuara nga reshjet. Më
hollësisht nga Prishtina na njofton Rabie Ibraj.................