Պատրիարք Եունան Կը Պաշտպանէ Իրաքի Քրիստոնեաներու Դատը. ՜՜Կառավարութիւնը Պէտք Է Պաշտպան
Կանգնի Անոնց՝՝ Ըսած է Ան։
Ասորիներու կաթողիկէ պատրիարքը` Ինքնատիոս Եուսէֆ Գ Եունան, այցելութիւն կատարած է ֆրանսա հանդիպում ունենալու՝ Իրաքի քրիստոնեայ վիրաւորեսլներու հետ, որոնք Փարիզ հասած են խնամուելու համար ֆրանսական կառավարութեան նախաձեռնութեամբ ։ Պատրիարքը ֆրանսայի արտգործ նախարար տիկին Միշէլ Ալիօ Մարիին հետ ունեցած հանդիպումին ընթացքին, շնորհակալութիւն յայտնած է ֆրանսական կառավարութեան մարդասիրական այս նախաձեռնութեան համար։ Վերակոչած է Իրաքի քրիստոնեաներու դէմ մղուած մահափորձերու հարցը եւ ընդգծած` հարկաւորութիւնը Իրաքի քրիստոնեայ համայնքի պաշտպանութեան։ Ապա ան ցաւ յայտնած է իսլամ կրօնապետերու լռութեան ի տես, որոնք չեն դատապարտեր ահաբեկչութիւնը եւ պայքար չեն մղեր մոլեռանդներու դէմ։ Յայտնենք թէ կաթողիկէ ասորիները կը հաշուեն շուրջ 175,000 հաւատացեալ, որոնք կ'ապրին Սուրիա, Լիբանան եւ Իրաք։
| All the contents on this site are copyrighted ©. |