Shkodra nën ujë. Kisha hap dyert e institucioneve për të dëmtuarit nga përmbytjet.
(06.12.2010 RV)Situata e krijuar nga përmbytjet vazhdon të mbetet problematike
në disa prej zonave të komunës së Dajçit si Suka e Dajçit, Pentari dhe Rushkull- Samrishti,
Shirgji, Daragjati etj. Prioritet ka qenë dhe mbetet evakuimi i banorëve e sistemi
i tyre në qendrat e planifikuara, me të gjitha kushtet e nevojshme jetësore.Pra situata
e përmbytjeve në veri të Shqipërisë, sidomos në Shkodër është ende kritike. Pavarësisht
se sot duket sikur moti është në përmirësim e sipër, parashikimet për ditët e ardhshme
nuk janë të mira. Qyteti verior ka mëse 14 mijë hektarë tokë dhe mëse 2500 shtëpi
të përmbytura. Gjendjes i shtohen edhe vështirësitë e organizimit të ndihmave. Në
Mushan, 10 familje në gjak nuk pranojnë të largohen. Fatmirësisht, argjinatura që
ndan rrethin e Lezhës me atë të Shkodrës nuk përbën rrezik, për momentin. Mbërrijnë
ndihma nga Tirana e nga Italia. Kisha hap dyert e institucioneve të saj për të
përmbyturit e Karitasi Shqiptar shpërndan sidomos bukë e ujë. Më hollësisht, të
dëgjojmë informacionin e Jolanda Babës, me telefon nga Shkodra......................