Betlehemi i Zvikaut, protestë e katolikëve gjermanolindorë kundër komunizmit
U përurua sot, në kishën romake të Shën Marisë “ad Martyres”, në Panteon të Romës,
një betlehem, që vjen nga Xvikau, një qytet i ish-Gjermanisë Lindore. 20 vjet pas
rënies së Murit të Berlinit, vepra e krijuar nën regjimin komunist, që kufizonte dhe
i diskriminonte katolikët, jo vetëm në fushën e lirisë fetare, por edhe në studim
e në punë, ekspozohet tani në një kishë katolike, për t’u admiruar nga vizitorë të
vendeve të ndryshme të botës. Betlehemi, më i madhi i krejt Saksonisë, është vepër
e skulptorit Xho Hobart dhe përbëhet nga shtatore prej druri, çdonjëra prej të cilave
peshon 10 ton. Do të mbetet i ekspozuar deri më 2 shkurt. Ardhja e këtij betlehemi
në Romë u bë e mundur nga bashkëpunimi ndërmjet protestantit Vilhelm Shtaudaher, drejtor
i zyrës romake të Fondacionit gjerman “Konrad Adenauer” dhe deputetit kristianodemokrat
Mikael Luter, pasardhës katolik i Martin Luterit, protagonistit të Reformës protestante.
Në përurim ishin të pranishëm shumë qytetarë të Xvikaut dhe të ftuar nga bota politike,
kishtare e kulturore.