(02.12.2010 RV)Sot Kisha katolike përkujtoi Shën Bibianën, patrice romake,
virgjër e martire; Shën Pimenin, martir dhe shën Silverin, papë. Po ndalemi më
hollësisht tek figura e Shën Bibianës. Emri Bibianë rrjedh nga Vivianë, që në greqisht
do të thotë jetë = bios. Kështu emri i saj u bë sinonim i gjallërisë, shkathtësisë,
i njeriut plot jetë. E lindur në Romë në vitin 352 Bibiana, sipas passio-s apo
kalimit nga kjo jetë, shkruar në shekullin VII, është ndërmjet viktimave të persekutimit
të të krishterëve në kohën e Julit, njohur me epitetin Apostati, apo Sakrilegji.
Virgjërës Martire, pasi e torturuan, për ta bërë të mohonte Krishtin, i prenë
kokën. E sot kjo kokë ruhet në kapelën e të kryqëzuarit në bazilikën e Shën Marisë
së Madhe në Romë dhe ekspozohet për besimtarët në ditët e krezhmëve si dhe më 2 dhjetor,
në festën e saj.Martirizimi i shenjtes frymëzoi shumë artistë, që realizuan një numër
të madh ikonash kushtuar Virgjërës Martire, e jo më pak devocionit popullor. Njihet
si pajtore e njerëzve që kanë dhimbje koke, ngerrçe, epilepsi, si dhe e viktimave
të alkoolizmit e të aksidenteve. Shën Bibiana në traditën popullore ka edhe rëndësi
meteorologjike. Thuhet se në ditën e festës së saj mund të bëhen parashikime se si
do të jetë dimri në vijim.