Նախարար Հրանուշ Յակոբեանի Հանդիպումը Հայաստանի Մէջ ԱՄՆ-ի Դեսպան՝ Մարի Եովանովիչի և ԱՄՆ-ի Միջազգային Զարգացման Գործակալութեան Տնօրէն՝ Ջաթինդեր Չիմային Հետ։

ՀՀ սփիւռքի նախարար Հրանուշ Յակոբեան 29 Նոյեմբերին ընդունեց Հայաստանի մէջ ԱՄՆ-ի արտակարգ և լիազօր դեսպան՝ Մարի Եովանովիչը և ԱՄՆ-ի Միջազգային Զարգացման Գործակալութեան տնօրէն՝ Ջաթինդեր Չիման։

Հանդիպման ընթացքին դեսպանը ներկայացուց ԱՄՆ-ը կատարած իր վերջին այցի ընթացքին հայկական Սփիւռքի հետ ունեցած հանդիպումներու տպաւորութիւնները եւ մասնաւորապէս նշեց, որ ներկայիս Սփիւռքը աւելի իրազեկ է Հայաստանի մէջ ԱՄՆ դեսպանատան և ԱՄՆ միջազգային զարգացման գործակալութեան իրականացնող աշխատանքներուն: Դեսպանը կարեւորեց որ թէև Հայկական Սփիւռքի և ԱՄՆ կառավարութեան շարք մը խնդիրներու վերաբերեալ կան տարբեր դիրքորոշումներ, այսուհանդերձ երկու կողմերն ալ շահագրգռուած են տեսնելու՝Հայաստանը զարգացող, ապահով և ժողովրդավարական երկիր:

Դեսպան Մարի Եովանովիչ անդրադարձաւ նաև ԱՄՆ-ի մէջ Հայ կանանց միջազգային ընկերակցութեան անդամներու հետ իր ունեցած հանդիպման, որուն ներկայ էին սփիւռքեան տարբեր կազմակերպութիւններու ներկայացուցիչներ եւ բոլորն ալ իրենց մտահոգութիւնը կը յայտնէին Հայաստանի մէջ ՜՜կանանց և ընտանեկան բռնութեան՝՝ թեմաներու ։

Նախարար Յակոբեան, շնորհակալութեան իր խօսքին մէջ կարևորեց նշուած խնդրի մասին յատուկ ծրագիրներու կազմակերպումն ու իրականացումը դպրոցներու մէջ. ներկայացնելով նաև սփիւռքի նախարարութեան 2009-2010 տարւոյն աշխատանքները, ծրագիրներն ու անոնց արդիւնքները. շնորհակալութիւն յայտնեց նաեւ ԱՄՆ միջազգային զարգացման գործակալութեան` համագործակցութեան և համատեղ ծրագիրներու իրականացման համար, յոյս յայտնելով որ այս համագործակցութիւնը կը շարունակուի նաև 2011 տարւոյն նախարարութեան ծրագիրներու շրջանակներու մէջ: