“Drejt Krishtlindjes: shtegtim atje, ku dashuria e Zotit iu dëftua mbarë botës”:
Pak histori
(30.11.2010 RV)Në meditimin e dytë, ju ftojmë të shtegtojmë së bashku në vende
e në kohë, për t’u njohur me fillimet e kremtimit të Kohës së Ardhjes. Në viset ku
lindi Krishti, Koha e pritjes nisi të kremtohej që në shekullin IV. Më pas, rreth
shekullit VI, u përhap në mbarë botën e krishterë, që shtrihej në hapësirat e pafundme
të Perandorisë Romake. Në Romë Koha e Ardhjes nisi të kremtohej për herë të parë rreth
vitit 336. Nga fundi i këtij shekulli, kremtimi u përhap edhe në Gali e në Spanjë.
E, duke pasur parasysh se krishterimi në trojet e sotme shqiptare është i kohës apostolike,
edhe etërit e lashtë ilirë, në ditët e fundme të nëntorit, duhet të jenë vënë shpirtërisht
për udhë drejt Shpellës së Betlehemit, që në shekujt e parë pas lindjes së Krishtit.