Վարչապետ Տիգրան Սարգսեանի Մասնակցութեամբ տեղի ունեցաւ Շահումեան Համայնքի Սուրբ
Աստուածածին եկեղեցւոյ բացման արարողութիւնը ։
Հայաստանի Հանրապետութեան վարչապետ Տիգրան Սարգսեանի մասնակցութեամբ անցեալ շաբաթավերջ
Արմավիր Մարզի Շահումեան համայնքին մէջ տեղի ունեցաւ բացումը՝ Սուրբ Աստուածածին Եկեղեցւոյ
, որու կառուցման աշխատանքները սկսած էին 2009 թուականին: Եկեղեցին կառուցուած է
գիւղի նախկին բնակիչ Կարէն Հովհաննիսեանի բարերարութեամբ: Արմավիրի Թեմի առաջնորդ Տէր
Սիոն Եպիսկոպոս Ադամեանի նախագահութեամբ եւ թեմի հոգեւորականներու մասնակցութեամբ կատարուած
է Եկեղեցւոյ Օծումը:Այս առթիւ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը հայրապետական
կոնդակով Տէր եւ Տիկին Հովհաննիսեաններուն շնորհած է Մայր Աթոռ Սուրբ Էջմիածնի «Սուրբ
Գրիգոր Լուսաւորիչ» բարձրագոյն Շքանշանը: Սուրբ Աստուածածին Եկեղեցւոյ բացման մասնակցած
է նաեւ ՀՀ Մշակոյթի նախարար Հասմիկ Պողոսեանը, Արմավիրի մարզպետը Աշոտ Ղահրամանեանը,
եւ այլ հիւրեր: