Të dielën më 28 nëntor, Kisha fillon Vitin e Ri liturgjik e kremton të dielën e
parë të kohës së Ardhjes, ciklit të parë, sipas kalendarit liturgjik. Nis pra
përgatitja shpirtërore për të pritur Ardhjen e Shëlbuesit tonë Jezu Krisht. Po
sot më 28 nëntor kalendari Kishtar përkujton edhe Shën Jakun e Markeve, meshtar françeskan.
Liturgjia na kujton se Jezusi na mëson të përgatitemi për të pranuan farën e Jetës
Hyjnore e të jemi me Të. Rëndësi ka të jesh me Zotin; rezultatet e frytet, të cilat
nuk janë në dorën tonë njerëore, nuk i mungojnë njeriut që jeton me bindjen se shpëtimi
vjen nga Zoti. Nesër e hënë 29 nëntor, bie përkujtimi i Shën Saturninit martir,
e Shën Frederikut e të Lumin Dioniz të Lindjes së Krishtit. Eja o Zot Jezus! T’i lirojmë
zemrat nga gjithçka i rëndon Të martën e ardhshme më 30 nëntor do të kremtohet
festa e Shën Andreut, apostull. Sipas ungjilltarëve, është i pari i thirrur,
së bashku me të vëllaun, Simon Pjetrin. E Kujtojmë se Shën Andreu Apostull
është edhe njëri ndër ungjillëzuesit e shqiptarëve, pra njëri prej atyre që solli
Ungjillin në trevat shqiptare. Shenjti na mëson se bashkimi i plotë me Krishtin arrihet
vetëm duke ecur në rrugën e kryqit, që përfundon me ringjalljen. Të mërkurën
që vjen më 1 dhjetor do të përkujtohet festa e Shën Eligjit, ipeshkëv i Lionit
dhe Shën Naumit, profet, që na kujtojnë se Jezusi vjen për çdo njeri, për çdo popull:
të përgatitemi, prandaj, për ta takuar me gëzim. do të përkujtohen Shën Eligji, ipeshkëv
e martir; Shën Nahumi profet; Shën Krizogoni, martir. Të enjten më 2 dhjetor,
në atmosferën e thirrjes së Psalmistit: ‘Eja, o Zot, mbret i drejtësisë e i paqes”,
do të përkujtohen Shën Bibiana, matronë romake; Shën Pimeni, martir e Shën Silvestri,
papë. Të premtën që më 3 dhjetor është festa e Shën Françesk Saverit, meshtar
jezuit, apostull i Indisë, pajtor i misioneve. Na kujton se kumtimi ynë i krishterë
bëhet i besueshëm, kur e dëshmojmë Krishtin me çdo çast të jetës sonë. Dëshmi, jo
fjalë, kërkon nga ne Zoti që vjen! Të shtunën që vjen më 4 dhjetor, Shën
Gjon Damasheni, meshtar e dijetar i Kishës e Shën Barbara, martire, na ftojnë që jo
vetëm t’i dëgjojmë fjalët e Jezusit, por edhe e sidomos t’i vemë në jetë. Të
dielën e ardhshme më 5 dhjetor Kisha kremton të dielën e 2-të kohës së Ardhjes
e po më 5 dhjetor bie përkujtimi i Shën Sabës abat, që na fton të jetojmë me bindjen
se kushti kryesor për ta përhapur praninë e Zotit në botë, është të besosh me gjithë
zemër në Të.