18-20 лістапада 2011
года Папа Бэнэдыкт XVI наведае Бенін. Візіт Пантыфіка адбудзецца па асабістым запрашэнні
Прэзідэнта гэтай краіны, а таксама яго ўраду і Біскупскай канферэнцыі.
Візіт
Бэнэдыкта XVI у Бенін будзе прымеркаваны да 150-гадовага юбілею евангелізацыі гэтай
краіны. Спецыяльна да гэтага візіту будзе выпушчана адгартацыя Пантыфіка, плён працы
Сіноду афрыканскіх біскупаў, які праходзіў ў Ватыкане ў кастрычніку 2009 года. Гэты
дакумент, які разкрые тэму Сіноду “Касцёл у Афрыцы на службе паяднання, справядлівасці
і міру”, будзе пастырскай “інструкцыяй” для афрыканскакга Касцёла ў наступныя гады.
Візіт
у Бенін будзе таксама добрай магчымасцю для Святога Айца узгадаць дарагога яму кардынала
Бернардзіна Ганцін, шаноўнага сына гэтай краіны, з якім Папа працаваў разам на працягу
доўгіх гадоў.