Prof.Afrim Hoti: zgjedhjet e 12 dhjetorit pikënisje drejt një të ardhme më premtuese
për Kosovën
Kosova drejt zgjedhjeve të dhjetorit. Analistët politikë parashikojnë pjesëmarrje
jo të madhe të numrit të votuesve në zgjedhjet e parakohshme të 12 dhjetorit, pak
mbi 40 për qind. Zgjedhjet e para pas shpalljes së pavarësisë, për Kosovës paraqesin
një provë të rëndësishme demokracie, sigurie, stabiliteti e përparimi. Te qytetarët
e Kosovës shihet e shënohet një rënie e atij entuziazmi e shprese që solli shpallja
e pavarësisë së Shtetit. Kjo për shkak të situatës së rëndës ekonomike e faktorëve
tjerë si korrupsioni, mungesa e reformave të pritura ligjore e tjera të domosdoshme.
Në anën tjerë mungon ende njohja e disa Vendeve të Bashkimit Evropian e të Natos,
që do të mundësonin hyrjen e Kosovës në organizmat ndërkombëtar e edhe ato financiar.
Udhëheqësit qeveritarë që do të dalin nga zgjedhjet e 12 dhjetorit i presin sfida
të rëndësishme si brenda Vendit, si reformat, luftimin e korrupsionit, sigurimin e
rendit e të bashkëjetesës paqësore, çështjen e Mitrovicës e tjerë, e po kështu edhe
në politikën e jashtme, siç është dialogu me Beogradin, regjistrimi i Kosovës në organizmat
ndërkombëtar dhe njohjet e reja. Mbi zgjedhjet e 12 dhjetorit në Kosovë, flasim me
profesor Afrim Hotin, profesor i së drejtës ndërkombëtare në Universitetin e Prishtinës.
Ta dëgjojmë intervistën tonë.......................