Кардыналу Бэртонэ ўручылі альбом аб яго візіце ў Беларусь
У Папскім Латэранскім
універсітэце адбылося ўрачыстае адкрыццё новага навучальнага годуа. На цырымоніі прысутнічаў
кардынал Дзяржсакратар Тарчызіо Бэртоне.
Пасля заканчэння афіцыйнай часткі
ў памяшканні рэктарату універсітэта кардынал спаткаўся з прадстаўнікамі ураду Мальтыйскага
Ордэну. Падчас сустрэчы кіраўнік Рады Ордэну брат Джэрард Геркалані Фава Сіманэцці,
падараваў кардыналу Бэртонэ кнігу-альбом пад назвай “Падрыхтуйце дарогу Пану” аб яго
візіце ў Беларусь. Гэтая кніга была выдадзена з дапамогай Мальтыйскага Ордэну і з’яўляецца
напамінам аб візіце высокага каталіцкага іерарха ў чэрвені 2008 года.
Падчас
візіту ён спаткаўся з прадстаўнікамі беларускіх уладаў і Прэзідэнтам Рэспублікі Аляксандрам
Лукашэнка. Акрамя таго адбылося спатканне кардынала з Мітрапалітам Мінскім і Слуцкім,
Патрыяршым Экзархам усяе Беларусі Філарэтам. Кардынал Бэртонэ наведаў катэдральныя
касцёлы ў Мінску, Гродна і Пінску, сустракаўся з прадстаўнікамі Каталіцкага Касцёла
ў Беларусі, семінарыстамі і шматлікімі вернікамі.
“Калі будзеце жыць паводле
Евангелля, зможаце уносіць эфектыўны ўклад у грамадзянскае і рэлігійнае адраджэнне
ўмілаванага беларускага народа, зможаце дадаць упэўненасці і аптымізму ў гэтай працы,
неабходнай для матэрыяльнага і маральнага абнаўлення вашай краіны. Няхай Бог благаславіць
Беларусь!”, сказаў кардынал Бэртонэ тады на заканчэнне свайго візіту.
Кніга,
якую атрымаў у падарунак кардынал мае на мэце прыцягнуць увагу да гэтай важнай вехі
на шляху ў Беларусь наступніка св. Пятра.