Прадстаўлены два тыдні
таму афіцыйны гімн Сусветных дзён моладзі ў Мадрыдзе хутчэй за ўсё будзе заменены
іншым музычным творам. Ён быў прадстаўлены ў Мадрыдзе 8 лістапада. Перад гэтым музычны
твор быў зацверджаны Папскай радай па справах свецкіх, органам адказным за падрыхтоўку
СДМ. Аўтарам словаў гімну з’яўляецца біскуп Чэзарэ Франка, генеральны каардынатар
СДМ і дапаможны біскуп Мадрыду. Музыку напісаў Энрыкэ Васкес, святар і кампазітар
літургічнай музыкі.
Аднак выканаўчы дырэктар Сусветных дзён моладзі Яго дэла
Сьерва прызнаў, што стыль гімну не адпавядае спецыфіцы дзён моладзі і не падабаецца
апошняй. Да такой высновы дэла Сьерва прыйшоў чытаючы каментарыі, якія маладыя людзі
пакідалі ў інтэрнэце. 20 працэнтаў з іх палічылі гімн “кепскім”, а 80 “вельмі кепскім”.
Гэты гімн з’яўляецца цудоўным творам для малітвы перад Найсвяцейшым Сакрамэнтам, сцвярджае
выканаўчы дырэктар.
Арганізатары вырашылі аб’явіць конкурс, падчас якога будуць
абраныя некалькі твораў, якія прагучаць у Мадрыдзе ў жніўні 2011 года. Правілы конкурсу
будуць абвешчаны праз некалькі тыдняў. Вядома, што гімн павінен адпавядаць дэвізу
ХХVI Сусветных дзён моладзі: “Укаранёныя і збудаваныя на Хрысце, моцныя ў веры”.