Պենետիկտոս ԺԶ Քահանայապետը Մօտիկութիւն կը Յայտնէ Իրագի Քրիստոնեաներուն
Կիրակի 21 նոյեմբերին, Նորին Սրբութիւնը Հանդիսապետեց հանդիսաւոր համապատարգը որուն մասնակցեցան
նաեւ 24 նոր անուանուած կարտինալները` Նորին Սրբութեան ձեռքէն ընդունելով կարտինալական
մատանին։ Պատարագէն ետք Սրբազան Քահանայապետը Հրեշտակ Տեառն մարեմեան աղօթքէն առաջ իր
խորհրդածութեան ընթացքին խօսեցաւ զանազան նիւթերու մասին։ Նախ յիշեց օրուան կարեւոր
արարողութիւնը` այն է 24 նոր կարտինալներու անուանումը որ տեղի ունեցաւ Քրիստոս Տիեզերքի
Թագաւոր ըստ լատինաց տօնին առթիւ։ Այս տօնը` մատնանշեց Բորին Սրբութիւնը` Պիոս ԺԱ Սրբազան
Քահանայապետը հաստատած էր 1925ին։ Ապա խորհդածութիւնը կեդրոնացուց Սուրբ Գիրգի այն հատուացին
ուր կը պատմուի Յիսուսի խաչելութիւնը ու բարի աւազակի անոր ուղղած կոչը <<Տէր յիշէ զիս
երբ գաս քու արքայութեամբդ>>։ Այս կոչը - ըսաւ Սրբազան Քահանայապետը - ճշմարտութեան
եւ հաւատքի կոչն է, իսկ Յիսուսի պատասխանը <<ճշմարիտ կ՛ըսեմ քեզի թէ այսօր իսկ ինծի
հետ պիտի ըլլաս դրախտին մէջ>> Իր անհուն սիրոյ եւ գթութեան արտայայտումն է մարդկանց հանդէպ։
Պենետիկտոս ԺԶրդ Քահանայապետը հրաւիրեց հաւատացեալները հետեւելու այս սիրոյ ճանապարհին
եւ ապրելու Յիսուսի հետ միասին։ Ապա արտասանելէ ետք Հրեշտակ տեառն մարեմեան աղօթքը
Սրբազան Քահանայապետը մատնանշեց Իտալիոյ եպիսկոպոսներու համահաւաք դասի` Իրագի քրիստոնեաներու
համար նուիրած աղօթքի օրուան։ Սրբազան Քահանայապետը յայտնեց իր մասնակցութիւնը յայցելով
<<կեանքի եւ խաղաղութեան Աստուծմէ որ աշխարհի բոլոր վայրերու մէջ հաստատուի կրօնի ազատութիւնը>>
ու ակնարկելով Իրագի քրիստոնեաներուն տարապանքին աւելցուց` <<Մօտիկութիւնս կը յայտնեմ
բոլոր մեր եղբայր ու քոյրերուն որ քաջաբար կը վկայէն Աստուծոյ հանդէպ իրենց ունեցած հաւատքը>>։ Ապա
զանազան բարբառներով ողջունելէ ետք ներկայ հաւատացեալները բարի կիրակի մաղթեց բոլորին։