Përfundoi në Kosovë ‘Java e filmit’ kushtuar së Lumes Nënë Terezë.
Këtyre ditëve në Prishtinë përfundoi ‘Java e Filmit’ kushtuar jetës dhe veprës së
Lumes Nënë Terezë, organizuar në kuadrin e kremtimeve të Jubileut të 100 vjetorit
të lindjes nga Kisha katolike dhe Institucionet Shtetërore të Kosovës. Tipari i
parë që karakterizon Nënë Terezën është universalizmi i saj në çdo kuptim dhe drejtim,
në çdo kohë dhe hapësirë, gjithmonë, kudo e më kudo i udhëhequr nga dashuria e respekti.
E Lumja Nënë Terezë nuk kishte për qëllim asgjë tjetër, përpos të jetë rreze e dashurisë
së Zotit e urë lidhëse vëllazërore mes njerëzve, popujve, racave e feve, duke u pri
të gjithëve drejt Atit Qiellor, Hyjit Dashuri. Në ‘Javën e Filmit’ doli në pah
edhe për një herë rëndësia e madhështia e figurës së Nënë Terezës, kësaj here edhe
në aspektin historik të popullit shqiptar. Prejardhja, vendi e koha ku u lind Nënë
Tereza, karakteri, orientimi e vepra e saj, si dhe kontributi i veprës së që bëri
për njerëzimin e mënjanuar dhe historinë shqiptare janë tre faktorë kryesorë që e
karakterizojnë figurën e jashtëzakonshme të kësaj Nëne të madhe. Po më hollësisht
mbi ‘Javën e filmit’ që u organizua në Prishtinë, të ndjekim shërbimin e Rabie Ibrajt........