2010-11-18 13:42:28

Մոսկուայի Մէջ Կայացած Է Մետվետեւ-Սարգսեան Հանդիպումը .


Մոսկուայի մէջ կայացած է (Նոյեմբեր 17ին) Հայաստանի եւ Ռուսիոյ նախագահներ Սերժ Սարգսեանի եւ Տիմիթրի Մետվետեւի հանդիպումը, որուն ընթացքին Հայաստանի նախագահը շնորհակալութիւն յայտնած է Մետվետեւին՝ ղարաբաղեան կարգաւորման գործին մէջ անոր միջնորդական ջանքերուն համար:
«Կը ցանկանայի շնորհակալութիւն յայտնել Ձեր գործադրած ջանքերի համար: Ռուսաստանը միշտ կարեւոր դեր է խաղացել Կովկասում: Յոյսով եմ, որ Ձեր ջանքերը կ՛աւարտուեն արագ եւ դրական», ըսած է նախագահ Սարգսեան։ Խօսելով երկկողմանի յարաբերութիւններու մասին՝ նախագահները նշած են, թէ անոնք կը կրեն արտօնեալ բնոյթ: Մետվետեւի խօսքով, ան շատ յաճախ կը հանդիպի իր հայ գործընկերոջ հետ, եւ այդ հանդիպումները առիթ կը ստեղծեն՝ «ճշդելու ժամանակացոյցները» տարածաշրջանային խնդիրներուն եւ «խօսելու ղարաբաղեան կարգաւորման մասին»:







All the contents on this site are copyrighted ©.