Апостальская Сталіца аб несанкцыянаваным біскупскім пасвячэнні ў Кітаі
У кітайскім горадзе
Чэндэ, на паўночным усходзе правінцыі Хэбэі на 20 лістапада 2010 года запланавана
пасвячэнне біскупа, якое не было ўзгоднена з Папам Бэнэдыктам XVI. Акрамя таго ў цырымоніі
вымушаны ўдзельнічаць мясцовыя каталіцкія біскупы, якія знаходзяцца ў еднасці з Пантыфікам.
Калі
гэтая інфармацыя падцвердзіцца, заявіў сёння кс. Фэдэрыко Ламбардзі, кіраўнік прэс-службы
Ватыкана, Апостальская Сталіца будзе разглядаць гэты факт, як грубае парушэнне рэлігійнай
свабоды і свабоды сумлення. Акрамя таго, Апостальская Сталіца будзе разглядаць гэтае
прызначэнне незаконным і шкодным для развіцця адносінаў, якія склаліся паміж Народнай
Рэспублікай Кітай і Святым Пасадам.
Апостальская сталіца пацвярджае, што айцец
Юзэф Гуо Джынкаі не быў вызначаны Святым Айцом на прыняцце біскупскага пасвячэння
ў Каталіцкім Касцёле.
“Акрамя таго, Святы Пасад жадае развіваць пазітыўныя
адносіны з Кітаем, і паінфармаваў кітайскія ўлады аб сваёй пазіцыі па дадзеным пытанні”
– сказаў кс. Ламбардзі.