புதியத் தேர்தல்கள் நடைபெறுவதற்கு நாடு இன்னும் தயாராக இல்லை - Zimbabweதலத்திருச்சபை
நவ.17, 2010. Zimbabwe நாட்டில் புதியத் தேர்தல்கள் நடைபெறுவதற்கு அந்நாடு இன்னும் தயாராக
இல்லை என்று தலத்திருச்சபை மற்றும் மனித உரிமைகள் குழுக்கள் கூறியுள்ளன. 2011ம் ஆண்டு
தேர்தல்களைச் சந்திக்கத் தயாராகுங்கள் என்று Zimbabwe அரசுத்தலைவர் Robert Mugabe தன்
ஆதரவாளர்களிடம் அண்மையில் கூறியதைத் தொடர்ந்து, தலத்திருச்சபை தன் கவலையை வெளியிட்டுள்ளது. இரு
ஆண்டுகளுக்கு முன் அரசுத்தலைவர் கட்சியினருக்கும், பிரதமரின் கட்சியினருக்கும் இடையே
நடைபெற்ற மோதல்களை நினைவு கூர்ந்த Zimbabwe கிறிஸ்தவ சபைகளின் குழு, Zimbabwe கிறிஸ்தவ
மாணவர் அமைப்பு ஆகியவை தற்போது தங்கள் நாடு தேர்தலைச் சந்தித்தால் இன்னும் பல உயிர்களைப்
பறிக்கும் மோதல்கள் நடைபெறும் என்று கூறியுள்ளன.இதற்கிடையே, Zimbabweல் பணி புரியும்
ஆங்கலிக்கன் ஆயர்களுக்குப் பல முறை கொலை மிரட்டல்கள் வந்த வண்ணம் உள்ளன என்று Canterbury
பேராயர் Rowan Williamsன் அலுவலகம் கூறியுள்ளது.