՝՝Լոս Անճելըս Լէյքըրս՝՝ խումբի մարզիկներու մատանիները՝ հայ արհեստագէտներու գործ։
Լոս Անճելըսի պասքեթ-պոլի հռչակաւոր ՝՝Լէյքըրս՝՝ խումբը ախոյեան հանդիսացած է Ամերիկայի
Միացեալ Նահանգներու մէջ։ Այս առիթով, խումբի մարզիկներուն նուիրուած ախոյեանութեան մատանիներու
ստեղծագործումը կը պատկանի հայ արհեստագէտներու։ Չորս հայրենակիցներու՝ Սեւակ Գույումճեանի,
Անդրանիկ Մարտոյեանի, Արծիւ Մարտոյեանի եւ Ռաֆֆի Քերքեանի աշխատանքին արդիւնքն է պատկերուած
մատանին, որու շինութիւնը երկրորդ անգամ ըլլալով վստահուած է մեր հայրենակիցներուն։