Էդուարդ Նալբանդեանի հանդիպումները Կալկաթայի մէջ.

Պաշտօնական այցելութեամբ Հնդկաստան գտնուող Հայաստանի Հանրապետութեան Արտաքին Գործոց Նախարար Էդուարդ Նալբանդեան 12 նոյեմբերին գացած է Կալկաթա: Կալկաթայի մէջ Էդուարդ Նալբանդեանը հանդիպած է Արեւմտեան Պենկալիի նահանգապետ Մայանկոտէ Կելաթ Նարայանանին, որու հետ քննարկած է Հայաստանի եւ Հնդկաստանի միջեւ ապակենտրոնացուած համագործակցութեան ընդլայնման հնարաւորութիւնները Արեւմտեան Պենկալի նահանգի եւ Հայաստանի մարզերէն մեկու միջեւ փոխ-գործակցութեան հաստատման հեռանկարները: Նախարար Նալբանդեանը գոհունակութեամբ նշած է նահանգի հարուստ հայկական մշակութային ժառունգութեան ներկայութիւնը ` հինգ եկեղեցիներ եւ շուրջ երկու հարիւրամեակի պատմութիւն ունեցող դպրոցը, ընդգծելով միաժամանակ որ նահանգի իշխանութիւնները միշտ հոգատարութեամբ կը վարուին Արեւմտեան Պենկալի գտնուող հայկական պատմամշակութային ժառանգութեան պահպանմանը ուղղութեամբ։ Նահանգապետ Նարայանան պատրաստակամութիւն յայտնած է շարունակել այդ ուղղութեամբ:
Էդուարդ Նալբադեան այցելած է նաեւ Կալկաթայի հայկական դպրոցը, ուր հանդիպած է կրթօճախի ուսուցիչներուն եւ հոն ուսանող շուրջ ութ տասնեակ աշակերտներու : Ողջունելով նախարար Նալբանդեանը , Հնդկահայոց հոգեւոր հովիւ Խորեն Հովհաննիսեանը նշած է, որ Էդվարդ Նալբանդեանը Հայաստանի առաջին բարձրաստիճան պաշտօնեան է, որ կ՝այցելէ Կալկաթայի հայկական դպրոցը, ինչ որ խորհրդանշական է եւ կը վկայէ Հայաստան-Սփիւռք կապերու ամրապնդման ՀՀ Իշխանութիւններու կողմէ տրուած կարեւորութիւնը
Հայաստանի արտաքին գործոց նախարարը ելոյթ ունեցած է կրթօճախի սաներուն առջեւ, պատասխանելով բազմաթիւ հարցումներու : Կալկաթայի մէջ Էդուարդ Նալբանդեանը այցելած է Հնդկահայոց Թեմի Առաջնորդարան` Կալկաթայի Սուրբ Նազարէթ Հայկական Եկեղեցին : Նախարար Նալբանդեանը գացած է նաեւ Կալկաթայի Մայր-Թերեզայի կողմէ հիմնուած Մայրապետներու միաբանութիւնը ուր կը գտնուի Մայր-Թերեզայի շիրիմը, եւ հոն նախարարը յարգանքի տուրք մատուցած է անոր յիշատակին: Միաբանութեան աձնակազմի հետ զրոյցի ընթացքին Հայաստանի արտգործ-նախարարը իր երախտագիտութիւնը յայտնած է 1988 թ. Սպիտակի երկրաշարժէն տուժողներու օգնութեան գործին մէջ Մայր Թերեզայի ցոյց տուած մեծ ջանքերուն համար: