За два дні перад пачаткам
восеньскай сесіі амерыканскага епіскапату 56 біскупаў і 66 святароў прыехалі ў Балтымор
на двухдзённую канферэнцыю па літургічнай і пастырскай практыцы экзарцызму. Па словах
арганізатара навучання, біскупа Томаса Папроцкага, епіскапат зразумеў, што ў мясцовым
Касцёле гэта практыка занядбана, а попыт на яе пастаянна расце.
На ўсёй тэрыторыі
Злучаных Штатаў знаходзіцца ўсяго пяць або шэсць экзарцыстаў, а яны павінны быць
у кожнай дыяцэзіі - сцвяржае біскуп Папроцкі, які ўзначальвае камісію епіскапата па
кананічным праве і касцёльным кіраванні. На яго думку, такая сітуацыя звязана з тым,
што ўсё больш і больш амерыканцаў знаходзяцца ў кантакце з акультызмам. Іх прыводзіць
да гэтага бунт супраць Касцёла і пошук новых форм духоўнасці.
Адзін з асноўных
інструктараў навучання кардынал Даніэль Дзінардо. На яго думку, амерыканскі Касцёл
на працягу многіх гадоў не надаваў належнага значэння духоўным аспектам зла. - Мы
хацелі знайсці медыцынскае або псіхалагічнае тлумачэнне некаторых з'яў. Мы забыліся,
што ў чалавека ёсць чыста духоўнае вымярэнне. Між тым, павышаны інтарэс у экзарцызмам
паказвае звышнатуральнае вымярэнне Касцёла і нагадвае, што існаванне зла ёсць нечым
рэальным - сказаў арцыбіскуп Галвестон-Хьюстан.
Амерыканскі прэлат адзначыў,
што навучыцца самаму абраду экзарцызма не так складана. Больш складаная задача заключаецца
ў выяўленні выпадкаў авалодання чалавека злым духам.