Պենետիկտոս ԺԶ Սրբազան Քահանայապետին Գործունէութիւնը։

Շաբաթ 13 նոյեմբեր 2010, Պենետիկտոս ԺԶ Սրբազան Քահանայապետը առաւօտեան ժամը 10-ին՝ ընդունեց Պրազիլի Եպիսկոպոսական համահաւաք դասի խումբ մը եպիսկոպոսներ եկած՝ իրենց հնգամեայ այցելութիւնը կատարելու Սուրբ Պետրոսի յաջորդին։
Ժամը 12ին՝ ընդունեց Տիար ֆրանսիսգօ Արկուէլլոն, ՜՜Նէոգադեգիւմենալ՝՝ շարժումի հիմնադիրը։
Ժամը 12.30՝ Գլեմենդինա Սրահին մէջ, Նորին Սրբութիւնը ընդունեց Քահանայապետական Մշակոյթի Խորհուրդի տարեկան հաւաքի մասնակիցները ,թիւով 80 հոգի։
Իսկ յետ միջօրէին Սրբազան Հայրը ընդունեց Կարտինալ Մարգ Ուէլլէթ՝ Եպիսկոպոսներու Ժողովի նախագահը, եւ ժամը 18.30 ին՝ Կարտինալ Իվան Տիազ նախագահը՝ Ժողովուրդներու Աւետարանացումի Քահանայապետական խորհուրդին։