Бэнэдыкт XVI: Праз камунію з Целам Хрыста Касцёл становіцца ўсё больш самім сабою
Сёння ў Ватыкане завершылася
Пленарная асамблея Папскага Камітэта па Міжнародных Эўхарыстычных Кангрэсах на чале
з яе старшынёй арцыбіскупам Пьеро Марыні. Яна займалася падрыхтоўкай да наступнага
юбілейнага 50-га Кангрэсу, які адбудзецца ў Дубліне (Ірландыя) ў 2012 годзе.
Сення
папа Бэнэдыкт XVI сустрэўся з удзельнікамі пасяджэння ў Клементынскай залі Апостальскага
Палацу і звярнуў да іх словы прызнання і падтрымкі.
Святы айцец адзначыў,
што праз камунію з Целам Хрыста Касцёл становіцца ўсё больш самім сабою: таямніцай
адзінства “вертыкальнага” і “гарызантальнага” пасярод чалавечага роду. Семю раз’яднання,
укарэненага ў чалавеку першародным грахом, аб чым сведчыць штодзённасць, супрацьстаіць
адраджальная сіла адзінства Цела Хрыста. Эўхарыстыя, якая няспынна фарміруе Касцёл,
стварае таксама адзінства паміж людзьмі.
Папа адзначае, што асамблея прыпадае
на 50-ю гадавіну Эўхарыстычнага Кангрэса ў Мюнхене, які паказаў важнасць такіх высокіх
касцёльных мерапрыемстваў.
У 2012 годзе Кангрэс у Дубліне будзе юбілейным.
Ён адбудзецца ў 50-ю гадавіну адкрыцця ІІ-га Ватыканскага Сабору і пройдзе пад дэвізам
“Эўхарыстыя: Камунія з Хрыстом і між намі”.
Задачы Эўхарыстычных Кангрэсаў,
асабліва сёння, рабіць уклад у новую евангелізацыю, пачынаючы з літургіі і праз літургію.
Напрыканцы Папа Бэнэдыкт XVI пажадаў арганізатарам Эўхарыстычных Кангрэсаў
захоўваць і памнажаць багацце Касцёла, гарманізуючы і ажыўляючы розныя формы хвалы
Богу праз Эўхарыстыю.