Vendet më të industrializuara të botës gjatë këtij takimi kdo të provojnë të gjetjenë
përgjigjet ndaj krizës ekonomike globale. Pikat themelore janë këmbimet dhe prishja
e ekuilibri të drejtpeshimeve tregtare. Pjesëmarrësve të këtij Samiti të rëndësishëm
Papa i ka drejtuar mesazhin e tij. E Benedikti XVI uron që të “gjenden zgjidhje
të përshtatshme të çështjeve tejet komplekse siç është kriza ekonomike globale e rezultatet
të arrihen me bashkëpunimin e tërë bashkësisë ndërkombëtare, duke njohur e pranuar
vlerën primare dhe qendrore të dinjitetit të njeriut, që është caku e synimi përfundimtar
i çdo zgjidhjeje”. Pra, Papa Racinger uron që çdo zgjidhje që të arrihet, ta ketë
në qendër të vëmendjes vlerën dhe dinjitetin e njeriut. E mbarë bashkësia ndërkombëtare
pret vendime të rëndësishme nga ky takim i nivelit të lartë i Seulit, për një shtytje
të fortë e një kthesë vendimtare për zgjidhjen e problemeve ekonomike dhe shoqërore
që sot në nivele e masa të ndryshme përfshinë të gjitha kontinentet e botës.