Іран: Прэзідэнт Ахмадзінеджад сустрэўся з кардыналам Таранам
Прэзідэнт Ірана Махмуд
Ахмадзінеджад прыняў 9 лістапада 2010 г. прыбыўшага ў Тэгеран старшыню Папскай рады
па міжрэлігійным дыялогу кардынала Жана-Луі Тарана. Ватыканскі іерарх прымае ўдзел
у трохдзённай сустрэчы высокіх прадстаўнікоў Каталіцкага Касцёла і Арганізацыі ісламскай
культуры і адносін у Тэгеране.
Як інфармуе афіцыяльнае іранскае агенцтва IRNA,
кардынал Таран перадаў Прэзідэнту Ахмадзінеджаду асабістае пасланне ад Бэнэдыкта XVI.
Агенцтва цытуе таксама словы іранскага лідэра, які ўказаў на неабходнасць цеснага
супрацоўніцтва хрысціянскага і мусульманскага духавенства ў будаванні спарвядлівасці
і міру ва ўсім свеце. На думку Махмуда Ахмадзінеджада, найважнейшым выклікам для чалавецтва
сёння з’яўляецца нарастаючая секулярызацыя.