Кардынал Бэртонэ: урад Ірака павінен сур’ёзна падысці да абароны хрысціян у краіне
«Пытанне абароны хрысціян
— гэта праблема, якую мы ўжо ўзнялі ў кантактах з уладамі Ірака і спадзяемся, што
яна будзе вырашана належным чынам», — адзначыў кардынал Тарчызіо Бэртонэ. Дзяржаўны
сакратар Яго Святасці папы Бэнэдыкта XVI нагадаў, што пытанне пераследу хрысціян закранулі
нядаўна і ўдзельнікі спецыяльнага пасяджэння Сіноду Біскупаў для Блізкага Усходу. Як
дадаў кардынал Бэртонэ, гэтая праблема датычыць таксама іншых краін Блізкага Усходу,
напрыклад, Пакістана. Іерарх выказаў удзячнасць уладам Францыі і Італіі, якія арганізавалі
транспарціроўку цяжкапараненых і забяспечылі ім лячэнне. Кардынал паведаміў, што Апостальская
Сталіца ўжо абмяркоўвала гэтую праблему з уладамі Ірака і мае надзею, што да яе паставяцца
сур’ёзна.