Հայաստանեայց Առաքելական Եկեղեցասիրաց Եղբայրակցութեան Հիմնադրութեան 130-ամեակը։
Հայաստանեայց առաքելական եկեղեցասիրաց եղբայրակցութիւնը, իր հիմնադրութեան 130-ամեակին
առիթով, երկու շաբթուան տեւողութեամբ, կազմակերպեց հոգեւոր պատգամներու եւ զրոյցի պահեր,
Պուրճ Համուտի իր կեդրոնին մէջ(Լիբանան)։ Այս առիթով Միացեալ Նահանգներու Մասաչուսեց
նահանգէն հրաւիրուեցաւ Ս Աստուածածին եկեղեցւոյ հոգեւոր հովիւը՝ Արամ Աւագ քահանայ Ստեփանեան։
Ան լուսարձակի տակ առաւ հայ եկեղեցւոյ աշխատանքային վերակազմաւորման, երիտասարդութեան
հարցերուն եւ արհեստագիտութեան դրական ու ժխտական երեսներուն։ Արամ քահանայ հաստատեց,
որ եկեղեցականները պէտք է քայլ պահեն 21-րդ դարուն ընձեռած զանազան նորութիւններուն։
Ըստ անոր, եկեղեցին ներկայութիւն պէտք է ըլլայ մեր ժողովուրդի կեանքին մէջ։