«L’Osservatore Romano»: гістарычны і сімвалічны візіт Папы ў Іспанію
Гістарычным і сімвалічным
па значэнні назваў галоўны рэдактар «L’Osservatore Romano» Джаванні Марыя Віян візіт
Святога Айца Бэнэдыкта XVI у Іспанію. У новым нумары штотыднёвіка Апостальскай Сталіцы
падсумоўваецца паездка Папы.
Галоўны рэдактар выдання называе Іспанію «вялікай
краінай з глыбокімі хрысціянскімі традыцыямі, якая, хоць і будучы ў вялікай меры пазначана
свецкімі тэндэнцыямі, аднак здолела прыняць Папу з сімпатыяй і выслухаць з увагай».
Маршрут
паездкі, які ўключаў Санцьяга дэ Кампастэла і Барселону, «сімвалічна адпавядаў гісторыі
гэтай краіны». «Праз гэтае падарожжа наступнік Пятра яшчэ выразней указаў сэнс свайго
шляху і шляху Касцёла: прэзентаваць свету Бога, які з’яўляецца сябрам чалавека, і
запрашаць людзей у дом Бога. Дом, прыгажосць якога выяўляецца ў хвале падчас вітання
пілігрымаў, што прыбывалі ў Санцьяга дэ Кампастэла і Барселону, да таго Божага «лесу»,
які Гаўдзі, мастак і сапраўдны хрысціянін, жадаў зрабіць цэнтрам горада. Для таго,
каб людзі бачылі прысутнасць Бога сярод іх, сузіралі Яго невыказныя дзівосы і маглі
Яго прыняць», — адзначаецца ў штотыднёвіку Апостальскай Сталіцы.