11 лістапада ў ватыканскіх
музеях пройдзе навуковая сустрэча рэстаўратараў. Прафесіяналы музейнай справы пяці
кантынентаў будуць мець магчымасць вывучаць таямніцы старажытнасці і самыя новыя рэстаўрацыйныя
тэхналогіі.
Удзельнікі сустрэчы ўбачаць “шкляную скрыню”- вялікую крышталёвую
лабараторыю, якая ад учарашняга дня размешчана ў так званым “дворыку старой дзевы”
– у самым сэрцы Музеяў Ватыкана. У гэты шкляны куб ужо дастаўлены два першыя з 8 анёлаў
славутага майстра барокко, скульптара Джан Ларэнца Берніні, які ўпрыгожыў большую
частку інтэр’ераў барочных касцёлаў Рыму.