Лацінскі Патрыярх
Ерусаліму Фуад Тваль працягвае сваё пастырскае падарожжа па Паўднёвай Амерыцы. Як
паведамляе “Osservatore romano“, у сваёй гаміліі падчас святарскага пасвячэння дыякана
з Інстытута Уцелаўлёнага Слова, які фармуе місіянароў для працы ў Святой Зямлі. Урачыстасць
адбывалася каля Буэнас Айрасам (Аргенціна).
“Усходні Касцёл ўкарэнены ў апостальскіх
часах, не баіцца быць самім сабою. Ён вытрываў у найцяжэйшых абставінах і навучыўся
несці дабро ўсім і заўсёды,- зазначыў высокі госць з Ерусаліму.- Дыялог – гэта не
адмова ад уласных перакананняў ці сацыяльных або рэлігійных асаблівасцей. На Блізкім
Усходзе, а асабліва ў Святой Зямлі багацце культурных традыцый народу, калі рэалізуецца
з павагай да іншых, ня з’яўляецца знакам падзелаў. Касцёл жыве ў грамадстве, дзе большасць
належыць да іншых рэлігійных традыцый. Але ведае, што ніякая культура, ніякі чалавек
–мужчына ці жанчына – не чужы яму. Любіць усіх і сведчыць сваю ўніверсальную місію
выратавання кожнай душы”.
Расказваючы пра Сінод Біскупаў для Блізкага Усходу,
які нядаўна адбываўся ў Рыме, Лацінскі Патрыярх Ерусаліму горача падзякваў Папу Бэнэдыкту
XVI за магчымасць распавесці ўсім пра хрысціянаў Блізкага Усходу, пра іх цяжкасці
і радасці, а таксама пра іх шчырае жаданне супакою і справядлівасці.