Në Vatikan, takim organizuar nga IOR për Institutet fetare, me temën e krizës ekonomike
botërore.
(03.11.2010 RV)Një takim, për të analizuar e për t’u shpjeguar Instituteve
rregulltare, fazën aktuale të krizës ekonomike botërore si dhe perspektivat e skenat
e së ardhmes. E kryesoi sot paradite, në Vatikan, IOR-ri, Instituti për Veprat e Religjonit,
i cili që prej pesë vjetësh, siç njofton një notë, organizon pranë selisë së tij,
takime periodike tremujore, për t’i shoqëruar e për t’i ndihmuar në këtë drejtim të
gjitha realitetet e Kishës, posaçërisht Kongregatat rregulltare, që të jenë në gjendje
t’i përballojnë nevojat e natyrës financiare dhe ekonomike. Takimi i sotëm, me
pjesëmarrje posaçërisht masive, që për këtë arsye u mbajt në Sallën e Bekimeve, pati
në qendër të vëmendjes temën: “Vendet e zhvilluara e vendet emergjente. Me krizën,
tregu financiar ka ndryshuar thellësisht. Sa do të zgjatë situata e sotme? Cilat janë
perspektivat për të ardhmen?”. Takimin e hapi Sekretari i Shtetit të Vatikanit, kardinali
Tarçizio Bertone, së bashku me presidentin e Ior-it, Ettore Gotti Tedeski, në praninë
e ministrit italian të Ekonomisë e të Financës, Xhulio Tremonti dhe të doktor Enrikue
V. Iglesias, sekretar i përgjithshëm iberoamerikan.