Prishtinë: kuvendi voton sot mocionin e mosbesimit për qeverinë e Hashim Thaçit.
(02.11.2010 RV)“Askush nuk e dëshiroi në gjendje të tillë, mirëpo kjo është
imponuar pas vendimit të Gjykatës Kushtetuese të Kosovës për ish-presidentin Sejdiu
dhe daljes së LDK-së nga koalicioni qeverisës.” Kështu u shpreh sot përpara deputetëve
të Kosovës, kryeministri Hashim Thaçi pak përpara votimit të mocionit të mosbesimit
të qeverisë së Kosovës, ngritur nga partia Aleanca Kosova e Re dhe mbështetur nga
40 deputetë. Nga ana tjetër Partia demokratike e Kosovës paralajmëroi se do ta votojë
mocionin, e madje edhe vetë kryeministri Thaçi iu bëri thirrje deputetëve që me vendimin
e tyre ta ndihmojnë vendin të dalë nga kriza institucionale.