Imzot Bazile Xhorxhes Kasmusa: Të krishterët në Irak nuk janë të mbrojtur sa duhet.
(02.11.2010 RV)Salikimet e dy meshtarëve
të vrarë në Irak u kryesuan nga kryeipeshkvi siro-katolik i Bagdadit, imzot Atanaze
Mati Shabe Matoka dhe kryeipeshkvi siro-katolik i Mosulit Imzot Bazile Xhorxhes Kasmusa,
i cili më se njëherë ka denoncuar pranë autoriteteve irakiane se të krishterët nuk
janë të mbrojtur sa duhet. Le ta dëgjojmë se si shprehet ai në mikrofonin e radios
sonë:
Përgjigje: Për bashkësinë tonë të krishterë atentati terrorist është
një katastrofë e vërtetë, njerëzore dhe fetare. Kjo do të sjellë panik! Ne vazhdojmë
të zgjasim dorën për dialogun për të punuar së bashku, për ta harruar të kaluarën,
për t’i kapërcyer të gjitha hallet, por pastaj shohim se nuk ka një përgjigje të përshtatshme,
sidomos nga ana e autoriteteve. E ndjejmë veten pa kurrfarë mbrojtjeje. Kështu që
është e nevojshme që Kombet e Bashkuara të ndërhyjnë. Tashmë kjo është e domosdoshme
për mbrojtjen e bashkësisë së vogël të krishterë.
Pyetje: Sipas jush autoritetet
a po bëjnë gjithçka munden për t’i mbrojtur të krishterët?
Përgjigje: Mendoj
se nuk po bëjnë gjithçka munden, sepse sikur ta bënin do të duhej së pari të vendosnin
një politikë paqeje. Është e nevojshme pastaj të krijohet një plan kombëtar për të
ndërtuar vendin si komb e jo sa për t’i njohur kësaj apo asaj etnie kaq e aq vende
në parlament. Politikanët shqetësohen vetëm për punën e tyre dhe populli gjendet i
braktisur....