Në Konferencën e 34-t të Animatorëve italianë të Përtëritjes në Shpirtin Shenjt, theksohet
përgjegjësia e laikëve në Kishë.
(01.11.2010 RV)Përfundoi sot në Pallatin e Kongreseve, në Rimi, Konferenca
e 34-t e animatorëve italianë të përtëritjes në Shpirtin Shenjt. Ishte rast tradicional
për formimin, rishikimin dhe programimin e Lëvizjes, bazuar mbi temën: “Jam shërbëtor
me ty e me vëllezërit e tu”. Më se 4 mijë, pjesëmarrësit, animatorë e përgjegjës,
mbledhur nga të katër anët e Italisë. Objektivat e takimit: bilanci, gjallërimi
dhe përhapja e pervojës së Lëvizjes. Bilanci, sepse përfundon një katëvjeçar i
shërbimit e nga janari do të ripërtrihen të gjitha organet baritore; riparaqitja,
sepse Lëvizja sapo ka marrë nga ipeshkvijtë, orientimet baritore për një dhjetvjeçar;
përhapja, sepse anëtarët e kanë për detyrë të ripohojnë identitetin e tyre të
krishterë e edhe ta përcjellin atë në mjediset e ndryshme të Kishës, me moton “Të
bëhemi shërbëtorë, duke e njohur tjetrin si vëlla”. E kjo, duke u nisur nga mësimet
e Benediktit XVI, në të cilat protagonizmi i laikëve dhe përmasa karizmatike e laikatit
janë gjithnjë më të kërkuara. Në një kohë që privilegjon kulturën e pushtetit e dëshirën
për pushtet, Lëvizja vë theksin mbi pushtetin e dashurisë dhe përmasën e shërbimit
ndaj njeriut, duke u nisur nga familja.