Kriza ekonomike: Strauss-Kahn, në botë janë humbur 30 milion vende pune.
Kriza ekonomike ka shkatërruar 30 milion vende pune në botë. Kështu tha drejtori i
përgjithshëm i Fondit monetar ndërkombëtar, Dominique Strauss-Kahn, duke bërë thirrje
për ta kthyer punën në “prioritet të globalizimit të ri botëror”. “Bota ka humbur
30 milion vende pune për shkak të krizës botërore, e parashikimet për vitet e ardhshme
janë se këto shifra do të rriten deri në 400 milion vende pune”, tha Strauss-Kahn
duke folur në Forumin ndërkombëtar të zhvillimit njerëzore që mbahet sot e nesër në
Agadir, në jug të Marokut. “Në kuadrin e mondializimit të ri, prioriteti i parë
është punësimi, i dyti është punësimi dhe i treti është punësimi”, tha drejtori i
përgjithshëm i Fondit. Në forum marrin pjesë mbi 1500 ekspertë ndërkombëtar, mes tyre
edhe presidenti i Bankës islamike të zhvillimit, Ahmed Mohamed Ali.