Dilma Rusef, presidetja e re e Brazilit: “do të çrrënjos varfërinë”
(01.11.2010 RV)Dilma Rusef u zgjodh presidente e Brazilit, pas ballotazhit
të djeshëm. Favorite e ish-presidentit Luiz Injacio Lula da Silva, ajo fitoi me 55%
të votave, duke mundur rivalin Hosé Serra. Në deklaratën e saj të parë, presidentja
theksoi se do të vazhdojë punën e nisur nga tetë vjetët e presidencës së Lula da Silvës,
për çrrënjosjen e varfërisë. Është hera e parë që një grua fiton zgjedhjet presidenciale
në Brazil. Dilma Rusef, 62 vjeç, ekonomiste, ishte gati e panjohur para fillimit të
fushatës elektorale. Falë përkrahjes së Lulës, për të cilin bënte detyrën e kreut
të kabinetit, arriti të kapërcente ish-guvernatorin e shtetit të San Paolos, Hosé
Serra. Dilma Rusef, ashtu si anglezja Theçer, njihet si “zonja e hekurt” e do të fillojë
detyrën më 1 janarin e ardhshëm.