Святы Айцец прысвяціў агульную аудыенцыю святой Брыгіце Шведскай
Яна адбылася на Плошчы
св. Пятра. На сустрэчу з Папам прыбыло шмат вернікаў. У сваім слове да іх Бэнэдыкт
ХVI сказаў:
Дарагія браты і сёстры
Напярэдадні Вялікага Юбілею Двухтысячнага
Года Слуга Божы Ян Павел ІІ абвясціў Святую Брыгіту Шведскую апякункай Еўропы. Сёння
жадаю прадставіць яе постаць, пасланні і прычыны з-за якіх гэтая святая жанчына можа
многаму навучыць Касцёл і свет нават сёння.
Мы добра ведаем падзеі з жыцця
святой Брыгіты, таму што яе духоўныя айцы апісалі яе біяграфію падрабязна, дзякуючы
кананізацыйнаму працэсу, які пачаўся неадкладна пасля яе смерці ў 1373 годзе. Брыгіта
нарадзілася ў 1303 годзе ў Фінстэр, у Швецыі, сярод народу Паўночнай Еўропы, які тры
стагоддзі перад яе нараджэннем прыняў хрысціянскую веру з такім энтузізмам, з якім
святая атрымала яе ад сваіх бацькоў, што належалі да арыстакратычных сем’яў, блізкіх
да каралеўскага дому.
Мы можам вылучыць два перыяды ў жыцці святой. Першы характэрны
для ўмоваў замужняй жанчыны. Яе муж Ульф быў губернатарам важнага рагіёна ў Шведскім
Каралеўстве. Сумеснае жыццё доўжылася 20 гадоў, да смерці Ульфа. Яны мелі 8 дзяцей,
з якіх другая дачка Кацярына ушаноўваецца як святая. Гэта быў красамоўны знак для
Брыгіты ў выхоўванні сваіх дзяцей. Акрамя таго яе педагагічная мудрасць была ацэнена
так высока, што кароль Швецыі Магнус паклікаў яе на кароткі час з мэтай пазнаёміць
яго маладую жонку Бланку Намур са шведскай культурай.
Калі першы перыяд жыцця
Брыгіты дапамагае нам адзначыць тое, што сёння мы можам акрэсліць як “шлюбная духоўнасць”:
калі хрысціянскія сужонцы жывучы разам могуць ісці па шляху святасці, дзякуючы ласцы
Сакрамэнту Сужэнства. Як гэта часта здаралася ў жыцці святой Брыгіды і яе мужа Ульфа,
жанчына са сваёй рэлігійнай пачуццёвасцю, з пяшчотай і салодкасцю можа разам з мужам
крочыць па шляху веры. Думаю з удзячнасцю пра шматлікіх жанчын, якія з дня на дзень
яшчэ сёння асвячаюць сем’і сваім сведчаннем хрысціянскага жыцця. Няхай Дух Пана натхняе
таксама і сёння святасць хрысціянскіх сужэнцаў, каб паказалі свету прыгажосць шлюбнага
саюзу, які перажываецца паводле Евангелля: у любові, пяшчоце, ўзаемнай дапамозе, у
адукацыі дзяцей, адкрытасці і салідарнасці, праз удзел у жыцці Касцёла.
Калі
Брыгіда стала ўжо ўдавой, пачаўся другі перыяд яе жыцця, яна адмовілася ад паўторнага
шлюбу дзеля больш глыбокага абьяднання з Богам, што ажыццявіла праз малітву, пакаянне
і ўчынкі міласэрнасці. Удовы-хрысціянкі змогуць такім чынам знайсці ў гэтай святой
мадэль да наследавання. Брыгіта пасля смерці мужа, пасля размеркавання свайго маёнтку
паміж беднымі, не будучы законніцай, пасялілася ў кляштары цыстэрыянак у Альвастра.
Тут пачаліся духоўныя адкрыцці, якія суправаджалі яе да канца жыцця. Аб іх расказала
Брыгіта сваім спаведнікам, якія ў сваю чаргу, пераклалі іх са шведскай на лацінскую
мову і сабралі ў выданні 8 кніг пад назвай “Аб’яўленні”.
“Аб’яўленні” Святой
Брыгіды прадстаўляюць вельмі розны стыль і змест. Часам у форме дыялога паміж Боскімі
асобамі, Найсвяцейшай Паннай, святымі і таксама дэманамі. У дыялогах таксама ўдзельнічае
Брыгіта. Вартасць “Аб’яўленняў” святой Брыгіды часам некаторымі падвяргаецца сумневу,
аднак пацвяржаецца Шаноўным папам Янам Паўлам ІІ ў Апостальскім лісце “Spes Aedificandi”:
“Прызнаючы святасць Брыгіты Касцёл, не каментуючы асобныя аб’яўленні, прыняў сапраўднасць
яе ўнутранага дасведчання”,- чытаем у лісце
Атрымаўшы гэтую харызму, Брыгіта
была свядомая прызначэння гэтых дароў, дзякуючы вялікай любові да Пана. “Мая дачка
- чытаем у першай кнізе “Аб’яўленняў”, - Я выбраў цябе, каб ты любіла Мяне ўсім сэрцам
сваім больш за ўсё, што існуе на свеце”. Акрамя таго Брыгіта ведала, была цвёрда перакана,
што кожны хрысціянін прызначаны для будаўніцтва Касцёла.
У 1349 годзе Брыгіта
назаўсёды пакідае Швецыю і адпраўляецца ў паломніцтва ў Рым. Не толькі мае намер прыняць
удзел у Юбілеі 1350 года, але таксама атрымаць ад Папы зацверджанне правіл ордэна,
названага ў гонар Найсвяцейшага Збавіцеля і які складаўся з законнікаў і законніц
пад кіраўніцтвам абатэсы. Гэта не павінна нас здзіўляць, у сярэднявеччы існавалі законныя
супольнасці з мужчынскай і жаночай часткай, але з такой жа манаскай рэгулай, пад кіраўніцтвам
абатэсы. На самой справе ў вялікай хрысціянскай традыцыі жанчыне прызнаецца яе годнасць
і яе месца ў Касцёле, якое не звязана са святарскай паслугай, але не менш важная для
духоўнага росту супольнасці. Акрамя таго, супрацоўніцтва паміж кансэкраванымі мужчынамі
і жанчынамі з пашанай да іх спецыфічнага паклікання, мае вялікае значэнне ў сучасным
свеце.
У Рыме ў суправадэнні дачкі Кацярыны Брыгіта прысвяціла сваё жыццё інтэнсіўнай
малітве і апостальскаму служэнню. З Рыма ў підігрымках наведала розныя італьянскія
кляштары: у Асізі, на радзіме святога Францішка, да якога мела вялікае пашану. Нарэшце
ў 1371 годзе споўнілася яе самае вялікае жаданне: паездка на Святую Зямлю, куды адправілася
ў суправаджэнні сваіх духоўных дзяцей, у групе, якую Брыгіта назвала “Сябры Бога”.
У
тыя гады Папы Рымскія прабывалі ў Авіньёне, далёка ад Рыма. Брыгіта звярнулася да
іх, каб яны вярнуліся на Пасад Пятра ў Рыме.
Брыгіта памерла ў 1373 годзе перш
чым папа Грыгорый ХІ канчаткова вярнуўся ў Рым. Была пахавана ў рымскім касцёле святога
Лаўрэна ў Паніспэрна, але ў 1374 годзе дзеці Біргер і Кацярына перавезлі яе цела на
радзіму, у кляштар у Вадстэна, да сядзібы законнай супольнасці, якую заснавала святая
Брыгіта. У 1391 годзе Папа Баніфацый ІХ яе ўрачыстіа кананізаваў.
Абвяшчаючы
яе апякункай Еўропы Папа Ян Павел ІІ выказаў надзею, што святая Брыгіта, якая жыла
ў ХІV стагоддзі, калі заходняе хрысціянства не было яшчэ паранена падзеламі, зможа
заступацца ў Бога, каб атрымаць ласкі для так доўга чаканага поўнага адзінства сярод
хрысціян. У гэтай інтэнцыі, так дарагой нашаму сэрцу, каб Еўропа заўсёды прытрымлівалася
сваіх хрысціянскіх каранёў, памоліся, дарагія браты і сёстры, да магутнага заступніцтва
святой Брыгіты Шведскай, вернай вучаніцы Бога і апякункі Еўропы.