Հայաստանի Հանրապետութեան նախագահ Սերժ Սարգսեանը ՄԱԿ-ի 65-ամեակի կապակցութեամբ այցելած
է ՄԱԿ-ի Հայաստան գտնուող գրասենեակը: Սերժ Սարգսեանը ՄԱԿ-ի օրուա առթիւ շնորհաւորած
է գրասենեակի մշտական համակարգող Դաֆինա Գերչեւա-ն եւ կազմակերպութեան գործակալութիւններու
ու հիմնադրամներու բոլոր աշխատակիցները : Սերժ Սարգսեանը բարձր գնահատած է 1992 թուականէն
ի վեր Հայաստանի մէջ ՄԱԿ-ի գործունէութիւնը որը(նախագահի խօսքով) ուղղուած է
Հայաստանի զարգացման ու քաղաքացիներու կեանքի մակարդակի բարձրացման : Հանրապետութեան
նախագահը շնորհակալութիւն յայտնած է գրասենեակի անձնակազմին,տարբեր ոլորտներներէ
ներս Հայաստանի առջեւ ծառացած խնդիրներու լուծման գործով կայացած մեծ ներդրման համար
եւ յաջողութիւններ մաղթած։ «Այս 65 տարիները ցոյց տուին որ ՄԱԿ-ի դերակատարութիւնը
մարդկութեան զարգացման գործով ուղղակի անփոխարինելի է: Ուրախ եմ, որ Հայաստանը, 1992թ.
դառնալով ՄԱԿ-ի անդամ, որդեգրեց համամարդկային արժեքներու եւ մարդու իրաւունքներու
պաշտպանութիւնը , ժողովրդավարութիւն հաստատելու սկզբունքները` որպէս պետական գաղափարախօսութեան
անբաժանելի մաս, գործնականօրէն ներգրաւելով ՄԱԿ-ի մարմինները եւ հնարաւորութեան սահմանները,
յաջողեցաւ իր աշխատանքով նպաստել ընդհանուր գործին»,(ըսած է Նախագահ Սարգսեանը) ընդգծելով,
որ Հայաստանը պատրաստ է այսուհետեւ գործօն կերպով մասնակցելու կազմակերպութեան աշխատանքներուն
, իր նպաստը բերելով ընդհանուր յաջողութեան :