Завяршаецца праца ІІ Каталіцка-праваслаўнага форуму
Сеня завершыліся працы
ІІ Каталіцка-праваслаўнага форуму. 17 прадстаўнікоў Каталіцкага Касцёла і 17 — Праваслаўных
Цэркваў Еўропы распрацавалі Камюніке — выніковы дакумент форуму.
Аўтары дакумента
з задавальненнем падкрэсліваюць, што ў Еўропе прыняты законы аб свабодзе веравызнання,
якая з’яўляецца фундаментальным правам кожнай чалавечай асобы.
У розных краінах
Еўропы гістарычна склаліся розныя мадэлі адносін паміж Касцёлам і дзяржавай. Як адзначаецца
ў дакуменце, у краінах, дзе адна рэлігія з’яўляецца дамінуючай, іншыя не павінны быць
дыскрымінаваны.
Касцёлы павінны мець права голасу ў дыскусіях па праблемах
маральнасці і этыкі, каб такім чынам уносіць у грамадства дух хрысціянства і выхоўваць
яго на прынцыпах Евангелля.
Павінна быць гарантавана свабода рэлігійнага навучання
дзяцей паводле волі іх бацькоў.
Каталіцкі Касцёл і Праваслаўныя Цэрквы Еўропы
выказалі гатоўнасць садзейнічаць разам з дзяржавай і грамадствам супольнаму дабру
чалавека і грамадства.
8-я сесія форуму была прысвечана выбару месца і даты
правядзення наступнага каталіцка-праваслаўнага форуму. Як было вырашана, ён адбудзецца
ў сталіцы Партугаліі Лісабоне ў 2012 г. Падчас пасяджэння была выказана прапанова
зрабіць тэмай наступнай сустрэчы праблему міграцыі.
Працы ІІ Каталіцка-праваслаўнага
форуму завершылася сёння. Сустрэча выявіла імкненне як католікаў, так і праваслаўных
да развіцця адносін паміж імі.
Па словах Мітрапаліта Тадэвуша Кандрусевіча,
у будучым не выключаецца магчымасць правядзення падобнага форуму ў Беларусі.