Ватыканскі эксперт
італьянскай газеты «Il Giornale» журналіст Андрэа Тарнeллі аналізуючы спіс новых кардыналаў,
абвешчаных учора папам Бэнэдыктам XVI, адзначае, што сярод 20 новых кардыналаў ва
ўзросце да 80 гадоў — 8 італьянцаў. Ад агульнай колькасці кардыналаў-выбаршчыкаў (121
асоба) больш за палову (62 асобы) будуць складаць еўрапейцы, у тым ліку 25 італьянцаў.
Тарнэллі
падкрэслівае абсалютную навізну цяперашняй кансісторыі. Упершыню Святы Айцец уключыў
у Калегію Кардыналаў двух біскупаў на пенсіі, якія яшчэ не дасягнулі 80-гадовага ўзросту:
Мэдардо Мазамбвэ, арцыбіскупа Лусакі (Замбія) і Рауля Эдуардо Вэла Чырыбога, былога
ардынарыя сталіцы Эквадору — Кіта. На думку ватыканскага эксперта, гэта сведчыць аб
тым, што для Бэнэдыкта XVI іх кандыдатуры здаліся больш годнымі, за кандыдатуры іх
пераемнікаў.
Ватыканіст «Il Giornale» таксама звяртае ўвагу, што ў Калегію
Кардыналаў увайшлі два іерархі, якія з’яўляюцца прыхільнікамі традыцыйнай літургіі,
што мела месца да рэформы, якую правёў Другі Ватыканскі Сабор: Прэфект Вярхоўнага
Трыбунала Апостальскай сігнатуры арцыбіскуп Раймонд Лео Бёрк і Мітрапаліт Каломба
Мальком Дон.
Папа Бэнэдыкт XVI абвясціў аб прызначэнні кардыналамі па 10 прадстаўнікоў
з Рымскай курыі і арцыбіскупаў буйных дыяцэзій свету.