«Հայաստան -Թուրքիա Բաց Սահմանը Պիտի Նպաստէ Տարածաշրջանի Կայաունութեան Կ՝ըսէ Գերմանիոյ
Նախագահը Վուլֆ ։
Թրքական ՝՝Միլլիյէթ՝՝ օրաթերթը կը տեղեկացնէ , որ պաշտօնական այցելութեամբ Թուրքիա գտնուող
Գերմանիոյ նախագահ Քրիստիան Վուլֆ առջի օր Թուրքիոյ խորհրդարանին մէջ արտասանած է խօսք
մը, որուն ընթացքին անդրադարձած է Հայաստան-Թուրքիա յարաբերութիւններու կարգաւորման գործընթացին,
կիպրական տագնապին, թուրք-իսրայէլեան յարաբերութիւններուն, Իրանի հիւլէական ծրագիրի թղթածրարին
եւ այլ հարցերու։ Խօսելով Հայաստան-Թուրքիա յարաբերութիւններու կարգաւորման գործընթացին
մասին, Քրիստիան Վուլֆ Հայաստան-Թուրքիա սահմանի բացումը տարածաշրջանային կայունութեան
տեսանկիւնէ կարեւոր նկատած է։