Ватыкан у ААН супраць выкарыстання дзяцей у якасці салдатаў
“Дзеці-салдаты маюць
права чакаць ад міжнароднай супольнасці абароны і закончэння раз і на заўсёды гэтай
ганебнай практыкі”,- сказаў на форуме ААН прадстаўнік Апостальскай Сталіцы. Арцыбіскуп
Франсіс Чуллікатт выступіў падчас дэбатаў на Генеральнай Асамблеі, тэмай якой была
абарона правоў дзяцей.
Ватыканскі дыпламат папярэдзіў, што ў рэгіёнах кранутых
войнамі расце клімат беспакаральнасці і паблажлівасці для вінаватых, якія выкарыстоўваюць
непаўналетніх ва ўзброенных канфліктах. Колькасць дзяцей-салдатаў ацэньваецца сёння
ў чвэрць мільёна. “Міжнародная супольнасць з’яўляецца іх маральным даўжніком”,- заявіў
пастаянны назіральнік Апостальскай Сталіцы пры ААН.
З такім выкарыстоўваннем
дзяцей можна эфектыўна змагацца. Адносна гэтага існуюць адпаведныя прававыя дакументы
ў форме факультатыўнага пратаколу да Канвенцыі аб правах дзіцяці. Пратакол тычыцца
менавіта абароны дзяцей перад выкарыстаннем іх ва ўзброенных канфліктах і тэрарызме,
а таксама перад нявольніцтвам, прастытуцыяй і парнаграфіяй. Хоць у гэтым годзе адзначаецца
10 годдзе існавання пратаколу, існуюць краіны, якія яго яшчэ не прынялі.
Арцыбіскуп
Чуллікатт нагадаў таксама аб вялікім вопыце Каталіцкага Касцёла ў барацьбе з гандлем
дзяцей.